Hai dies de calzase les botes
poner los corvales al vientu'l salitre y al sol,
dexar la nortiada allevantame’l pelo,
asoleyame a mio piel el dolor.

Hai dies de facer pa yo mesmu evidentes,
les faltes d'aguaño, vergoña de ser.
El mio flecu barrote abica mio cara,
prinde figurada y verdá.

Caleyo, caleyo a nun más caleyar,
afondando n'ablayos los pies.
Enrepente un momentu, terminase’l cuentu,
ye hora de costumase o esnalar.

Al tornar, cuando abristi la puerta, callé,
vergoñosu d'habelo olviao otra vez:
"Nun quies otra respuesta que nun seya esa,
entos les preguntes, ¿pa que?“

Siempre ye la to mano que prende la mia
nesta caleyina pa "inda nun ye",
refunfuña de estrellina qu'allumes mios dies,
que tas na mio boina tamen.

Y al tornar cuando abristi la puerta, callé
vergoñosu d'habelo olviao otra vez, que:
"Nun yes el culpable delo qu'herediaste,
de lo que nun cambiaste, de xuru si yes".